مؤلف ” 3 ساعات متواصلة”: بنحاول نكون موجودين مع الأجيال الجديدة ونقدم حاجة فيها القيمة والمتعة

قال الفنان عزيز الشافعي مؤلف وملحن أغنية “3 ساعات متواصلة” للفنانة روبي:”روبي دمها خفيف ولها قبول وطابع معين فأنا مع كل مطرب بحاول اقدم الحاجة اللي تناسبه وينجح بيها”.

وأضاف خلال تصريحات تليفزيونية ببرنامج “الحكاية” المذاع علي قناة “ام بي سي مصر”:”كلمت روبي وهنئتها على نجاح الأغنية، وإنها تريند رقم 1 وحققت نجاح كبير من أول يوم”.
وتابع:”روبي مش منزعجة خالص لكن مشغولة بتشوف اللي بيحصل، وهي فرحانة ومفيش أي انزعاج، إحنا في بلد الفن والقوة الناعمة وعارفين كويس إننا بنكمل مسيرة عظماء قبلنا وإحنا مش صغيرين وعارفين المسئولية اللي علينا وبنحافظ على السمعة، بنحاول نكون موجودين مع الأجيال الجديدة ونقدم حاجة فيها القيمة والمتعة”.